«Maam edtjem veeljedh» lea dïhte stoerre gyhtjelasse maam gellie learohkh tjïjhtjedinie klaassesne jïjtjemem gihtjieh daej biejjiej.
Juktie dejtie viehkiehtidh daejnie vihkeles veeljeminie jåarhkelïerehtimmien sïjse, libie digitaale tjaalegem dorjeme mij lea vïedteldihkie bïevnesefilmide dej ovmessie ööhpehtimmieprogrammi bïjre. Jeatjah nuhteligs svaalhtesh aaj sïjse bïejesovveme mah bïevnesh vedtieh mejtie skuvlide learohkh maehtieh syökedh jïh guktie syökoe. Ohtsememierie njoktjen 1.b.
Lohkh sisvegem daennie sæjrosne jallh veedtjh tjaalegem daesnie (last ned brosjyren her)
Maam edtjem veeljedh?
Edtjh jåarhkeskuvlem ohtsedh tjaktjese jïh onterdh maam edtjh veeljedh?
Jïjnje mïsse maahta ussjedidh jïh daate lea vihkeles veeljeme.
Juktie datnem daejnie viehkiehtidh libie bïevnesefilmh dorjeme mah pryövoeh dutnjien vaestiedassh vedtedh dejtie gellide gyhtjelasside mejtie åtnah.
Datne aaj jeatjah nuhteligs svaalhtesh gaavnh mah gaskem jeatjah bïevnesh vedtieh mej skuvli bïjre datne maahtah ohtsedh jïh guktie ohtsh.
Datne maahtah studijeryöjreden jallh barkoefaageles ööhpehtimmieprogrammen gaskem veeljedh.
Mij studijeryöjreden ööhpehtimmieprogramme?
Vïjhte ovmessie studijeryöjreden ööhpehtimmieprogrammh. Vuartesjh bïevnesefilmem studijeryöjreden bïjre jïh ektiefaagi bïjre dejnie studijeryöjreden ööhpehtimmieprogrammine.
Juktie datnem viehkiehtidh guarkedh mij sisvegidie lea dejnie ovmessie ööhpehtimmieprogrammine libie bïevnesefilmem dorjeme fïerhten programmese Trööndelagen jåarhkeskuvleste. Filmh vuesiehtieh maam datne lïerh, ïedtji jïh jïjtsevoeti bïjre mejtie byörh utnedh jïh ij goh unnemes mah båetijen aejkien barkoenuepieh datne åadtjoeh. Datne aaj learohkh gaavnh mah ööhpehtimmieveeljemen bïjre soptsesth maam dah leah vaalteme.
Diedtieh svaalhtesidie jïh jårrehth filmem!
Tjeahpoe, hammoedimmie jïh arkitektuvre
Mij barkoefaagh?
Luhkie barkoefaageles ööhpehtimmieprogrammh Trööndelagesne mah barkoemaahtoem vedtieh (faageprievie jallh sveenneprievie).
Vuartesjh bïevnesefilmem barkoefaagi bïjre. Daesnie åadtjoeh væjkele lïerehtæjjah dåeriedidh barkose, jïh vielie lïeredh mij barkoefaageles goerehtimmie lea jïh dej ovmessie maalli bïjre govledh goske faageprieviem, maahtoevihtiestimmiem jïh studijemaahtoem åådtje. Datne aaj åadtjoeh ånnetji daejredh maam lierehtimmiekontovre dorje.
Svaalhtesinie vuelielisnie bïevnesefilmh gaavnh fïerhtede barkoefaageles ööhpehtimmieprogrammeste Trööndelagen jåarhkeskuvline.
Jårrehth filmem!
Bigkeme- jïh tseegeldahketeknihke
Bietskiedæjja, plåamstere, interijööre jïh eksponeringhammoedimmie
Healsoe – jïh byjjenimmiefaage
Bïevneseteknologije jïh medijeproduksjovne
Restauraante -jïh beapmoefaage
Doekeme, service jïh fealadasse
Teknologije -jïh industrijefaage
Vætnoe, hammoedimmie jïh produkteevtiedimmie (bïevnesh vilbli:ste)
Mah skuvlh maam faalehtieh?
Trööndelagen fylhkentjïeltesne 32 jåarhkeskuvlh. Daennie bijjieguvvesne gaavnh mah skuvlh mah dejtie ovmessie ööhpehtimmieprogrammide faalehtieh. Skuvli gåetiesæjrojne aaj vielie bïevnesh gaavnh ööhpehtimmiefaalenassi bïjre mejtie fïerhte skuvle faalehte.
Mejtie skuvlide maahtam ohtsedh?
Trööndelagesne dovne karakteerh jïh dov årromesijjie muenieh mejtie skuvlide datne maahtah ohtsedh. Sijjesne vilbli.no bïevnesh gaavnh mah tjïelkestieh mejtie skuvlide datne maahtah ohtsedh.
Guktie edtjem ohtsedh?
Dov leah gyhtjelassh guktie ohtsh juktie jåarhkeskuvlen sïjse baahtsedh Trööndelagesne?
bïevnesefilmem- SØK, SVAR, MØT. Daesnie åadtjoeh abpe ohtsemeprosessen bïjre lïeredh jåarhkelierehtæmman jïh lïhkessuvleprinsihpen bïjre. Filmen nuelesne svaalhtesh gaavnh guktie ohtsh.
Jis dov annje gellie gyhtjelassh, maahta karrijeerebïhkedæjjine/raeriestæjjine soptsestidh skuvlesne jallh gaskesadtedh Karriereveiledning.no. Dïhte akte aadtjen tseegkesovveme, nasjonaale, digitaale karrijeerebïhkedimmiedïenesje jïh lea ræhpas gaajhkesidie.
Vaeltieh maaje teestem: Mij ööhpehtimmieprogramme maahta dutnjien sjïehtedh?
Læhkoe hijven ööhpehtimmieveeljeminie!
Mujhtieh ohtsememieriem njoktjen 1.b.
Nedtesæjrosne vilbli.no vielie bïevnesh dej ovmessie ööhpehtimmieprogrammi bïjre gaavnh.
Daesnie maahtah bijjieguvviem vuejnedh gaajhki ööhpehtimmieprogrammi bijjeli pdf-fijlesne.