Faageskuvlh jollebe barkoefaageles ööhpehtimmiem vedtieh, mij lea barkoefaageles jïh praksiselïhke ööhpehtimmieh daltesisnie jåarhkelïerehtimmien bijjelen. Ööhpehtimmieh daerpiesvoetem geptjieh maehteles barkoefaageles barkoefaamose jollebe daltesisnie.
Daan biejjien 15 faageskuvlh jollebe barkoefaageles ööhpehtimmiefaalenassigujmie Trööndelagesne. Datne vielie bïevnesh fïereguhten faageskuvlen bïjre gaavnh nedteportaalesne hoyt.no (nöörjen).
Trööndelagen fylhkentjïelten faageskuvle
Trööndelagen fylhkentjïelte lea Trööndelagen jollebe barkoefaageskuvlen aajhtere (THYF). Skuvle gellieh ööhpehtimmieh faalehte goh teknihken faagh, maritijme faagh, healsoefaage, byjjenimmiefaage, laanteburriefaage, beapmoemehtiefaage jïh mearoeburriefaage. Skuvle aaj jeatjah faagh faalehte, laavenjostosne faageskuvligujmie jieniebinie sijjine Nöörjesne.
Lohkh vielie lohkemefaalenassen bïjre THYF:en nedtesæjrosne (nöörjen)
THYF:en leah tjïjhtje goevtesh:
- Chr. Thams, Løkken Verkesne
- Gauldal, Støren
- Levangke
- Stïentje
- Skïerde
- Tråante
- Ytre Namdal Rørvikesne
Jeatjah «ij-fylhkentjïelten» faageskuvlh Trööndelagesne
- Centric IT Academy
- Din Kompetanse AS
- Fagskolen AOF Norge
- Fagskolen Innlandet
- Folkeuniversitetets fagskole AS
- KBT Fagskole
- Lukas høyere yrkesfagskole
- Medlearn
- NKI fagskole AS
- Norges fagakademi
- Norges grønne fagskole - Vea
- Norsk fotofagskole
- TISIP fagskole
- Fagskolen i Viken
Bïevnesh ohtsijidie
Jis edtjh baahtsemem jollebe barkoefaageles ööhpehtæmman utnedh, krïevenasse lea tjïrrehtamme barkoefaageles ööhpehtimmie jåarhkeskuvleste (faage- jallh sveenneprievie), jallh sjyöhtehke praksise. Muvhth lohkemh krievieh datne leah studijeryöjreden ööhpehtimmieprogrammem tjïrrehtamme.
Maahtah baahtsemen bïjre syökedh gaajhkide byögkeles faageskuvlide jïh såemies privaate faageskuvlide sæjroen baaktoe Samordna opptak.
Ohtsememierie nasjonaale baahtsemasse lea voerhtjen 15.b.
Muvhth skuvlh jïh ööhpehtimmieh eah leah meatan nasjonaale iktedamme baahtsemisnie. Datne tjoerh jeatjahlaakan ohtsedh, vuartesjh faageskuvli nedtesæjroeh jallh gaskesadth ryöktesth dejnie sjïere skuvline jis vielie bïevnesh sïjhth.
Muvhth lohkemh namhtah, jïh naakenh lohkememaaksoem utnieh. Daate sæjhta fïereguhten nedtesæjrosne tjåadtjodh. Baahtseme faageskuvlese reaktam vadta studijelaajkose jïh stipendese Lånekasseste.